صدر مملکت آصف علی زرداری ویانا غان لندن ءِ سر مس

لندن، صدر مملکت آصف علی زرداری ویانا غان لندن سر مسنے او کساس اِرا ہفتہ اسکان ہموڑے مریک۔ حوالی نا رِداٹ صدرِ مملکت آصف علی زرداری برطانیہ ٹی مننگ ناوخت آ تینا میڈیکل چیک اپ ءِ ہم کرفک۔ وخت اس کہ حوالی پارینے کہ صدر مملکت لندن اٹی مننگ ناوخت آ ہچ ءُ سیاسی سرجز اسے ٹی بشخ ہلپک۔ صدر مملکت آصف علی زرداری تون لندن اٹی چندی ڈل آتا اوڑدہی کننگ ناگمان ہم ارے۔ اوڑتون سینیٹر سلیم مانڈوی والا و تینا جند انا ڈاکٹر ڈاکٹر عاصم حسین ہم اوارءِ۔ حوالی نا رِداٹ آصف علی زرداری کساس 6 سال بھلا وخت آن پد برطانیہ غا سر مسنے، وخت اس کہ چیئرمین پیپلزپارٹی بلاول بھٹو زرداری ہم بروک آ منہ دے اٹ لندن آ سر مریک۔