امریکہ اسلام آباد ایم او یو آ عمل کے تو ایران ہم کیک، ایرانی صدر

بشکیک، ایرانی صدر مسعود پزشکیان پارینے کہ اگہ امریکہ اسلام آباد مفاہمتی یادداشت آ پورو عمل کے تو ایران ہم کیکِ۔ رائٹرز ایرانی خبر رساں ایجنسی ایسنا نا حوالہ غا رپورٹ کرے کہ بشکیک اٹی شنگھائی کمکار تنظیم نا سروکی دیوان آن تران کرسا ایرانی صدر پارے کہ اگہ امریکہ جون اٹی پک مروک نیمہ معاہدہ نا رِداٹ تینا قول تے پورو کے تو ایران دمدستی وڑ اٹ دا نا مثبت ورندی ءِ ایتک۔ او پارے کہ ایران و امریکہ نا نیام اٹی پک مروک اسلام آباد مفاہمتی یادداشت آ امریکی صدر نا دستخط ساڑی ئس، ولے دا دستاویز تون امریکہ نا گنڈوک مننگ اِرا ہفتہ غان ہم کم وخت اسکان برجا سلیس و تینا خودآن دزکش مس۔