امریکی صدر ایران ءِ ‘بے سہب ریاست’ اس گوندا
Get real time updates directly on you device, subscribe now.
واشنگٹن، امریکی صدر ڈونلڈ ٹرمپ اردن اٹی امریکی فوجی اڈہ غا جلہو نا ورندی ٹی ایران ءِ سخت ردِعمل نا دھڑکو تسنے۔ امریکی صدر ڈونلڈ ٹرمپ امریکی میڈیا ‘فاکس نیوز’ ءِ تننگوک تینا اسہ انٹرویو اسے ٹی پارے کہ ایران نا برخلاف امریکی کارروائی بھاز سخت مریک۔ امریکی صدر ایران ءِ ‘بے سہب ریاست’ گوندا و پارے کہ ایران نا تون ہچ ءُ کاریمی ءُ عسکری واک یا فوج اس اف۔ ڈونلڈ ٹرمپ پارے کہ ایرانی حکومت تینا پولیس و فوج کارندہ غاتے تنخواہ تننگ اٹی ہم بے سہب ءِ، امریکی صدر ایران اٹی افراط زر نا کچ 300 درسد اسکان سرمننگ نا دعویٰ ہم کرے۔ امریکی صدر مستی پارے کہ ایران دا وخت آ بھاز زرگزرانی مشکل و زور انا کیرغ آن ءِ۔