فلسطینی آ اسرائیل نا پدریسہ کوزہ جہانی کانود نا خلاف ورزی ءِ، اقوام متحدہ

اقوام متحدہ پارینے کہ فلسطینی ڈغار آ اسرائیل نا پدریسہ کوزہ جہانی کانود نا خلاف ورزی ءِ۔ سی جی ٹی این نا رداٹ دا ہیت ءِ تدوک آ دے اقوام متحدہ نا انسانی حق آتا ہائی کمشنر آفس نا ترجمان روینا شمداسانی تینا اسہ بیان اسے ٹی پارے۔ او پارے کہ اسرائیلی سرکڑدہ پاش وڑ اٹ فلسطینی تا برخلاف بیرہلوک کارروائی و اجتماعی سزا نا خواست کننگءِ، وخت اس کہ دیکی کنج ءِ اسہ پین غزہ اس جوڑ کننگ نا دھڑکو ہم تننگ انگ ءِ، ہرا کہ بھاز گڑتی نا سوب ءِ‘۔ روینا شمداسانی پارے کہ اسرائیلی آبادکار و سیکورٹی فورس آک گیشتر ہندی فلسطینی آبادی آ جلہو کیرہ۔ دا وخت آفلسطینی تا ہن و بر آ خلوک رکھ آتے پین سخت کننگانے ہراڑان اوفتے بنداوی آسراتی و خذمت اسکان رسینگ اٹ بھاز مشکل آتتون مون تروک ءِ۔ او کل فریق آتیان خواست کرے کہ فلسطینی الس نا کشت و خون، زور اٹ کشنگ و ایلو خلاف ورزی تے توننگ کن عملی گام گیج کننگے و اسرائیل نا کانود آن چَپ کوزہ ءِ چٹفنگے۔