شاہد رند انا کیچ اٹی بے گناہ مزورکار آتا خون نا ترندی اٹ مذمت

کمکار وزیراعلیٰ بلوچستان حوالکاری و سیاسی باندات شاہد رند ضلع کیچ اٹی بے گناہ مزورکار آتا بیدادی اٹ خلنگ نا واقعہ نا سخت انگا لوز آتیٹی مذمت ءِ کرسا پارینے کہ کودک آ شاری تے خلوک آک انسانیت، امن و بلوچستان نا روشنا آخبت نا دشمن ءُ۔ تینا اسہ بیان اسے ٹی شاہد رند پارے کہ دہشت گرد آک کودک آ مزورکار آتے شہید کرسا نئے بیرہ نہادی انسانی زند آتے زیان کریر بلکن بلوچستان نا شونداری، زرگزرانی سرجز و الس نا روزگار ءِ نسخان رسیفنگ نا پراگندہ کوشست ہم کریر۔ او پارے کہ دا وڑ انا لغور انگا کاریم تیان دہشت گرد آتا پراگندہ ارادہ غاک ہچ گہس سرسہب مفسہ و ریاست پورو واک اٹ اوفتتون مون ایتک۔ کمکار وزیراعلیٰ پارے کہ کودک آ مزورکار آتا دتر اٹ دوسلوک دہشت گرد آک ہچ ءُ رعایت اسے نا حقدار افس۔