سعودی وزیردفاع نا امریکی صدر تون اوڑدہی، ولی عہد نا کلہو ءِ سر کرے

سعودی وزیر دفاع امریکی صدر تون ہلہلہ ئی اوڑدہی کرسا سعودی ولی عہد نا اہم ءُ کلہو اس سر کرے۔ امریکی میڈیا نا رِد اٹ اوڑدہی نا مسخت سعودی ولی عہد شہزادہ محمد بن سلمان نا خصوصی کلہو ءِ امریکی سرکڑدہ اسکان سر کننگ ئس۔ داکان مست امریکی نائب صدر جے ڈی وینس تون اوڑدہی ٹی سعودی وزیرِ دفاع پارے کہ ایران تون چک وتاڑ اٹ کمتی خوانہ۔ سعودی وزیرِ دفاع پارے کہ ایران نواز عراقی ملیشیا بنداوی پنجر و توانائی میرات آتیا جلہو کرسا ریڈ لائن کراس کریر ہرانا سوب آن ورندی تروئی تما تا۔ سعودی وزیرِ دفاع دا ہم پارے کہ عراق اٹی کارروائی نا مسخت دا اف کہ نن چک وتاڑ ءِ ودفنگ خوانہ‘ عراق اٹی کارروائی نا مسخت دا پاننگ ئس کہ مملکت تینا دفاع ءِ کننگ کن سنبرینگوک ءِ۔ سعودی وزیرِ دفاع جے ڈی وینس ءِ پارے کہ نیتن یاہو ایران تون چک وتاڑ ءِ ودفنگ آ زور شاغنگ اٹی ءِ۔ سعودی عرب چک وتاڑ اٹ کمتی خواہک انتئے کہ دا زیات فائدہ نا کسر ءِ۔