بلوچستان ءِ اونابشخ نا دیر انا فراوانی ءِ پک کننگک،صادق عمرانی
Get real time updates directly on you device, subscribe now.
وزیراعلیٰ بلوچستان میر سرفراز بگٹی نا پارت و ارسا قانون تا رِد اٹ بلوچستان ءِ کشاری دیر انا روا انگا بشخ انا فراوانی ءِ پک کننگ کن صوبائی وزیر کشاری میر محمد صادق عمرانی نا کماشی ٹی صوبائی وزیر مواصلات و تعمیرات میر سلیم احمد خان کھوسہ، صوبائی پارلیمانی سیکرٹری برائے ایکسائز اینڈ ٹیکسیشن و رکن صوبائی اسمبلی حاجی محمد خان لہڑی و صوبائی سیکرٹری کشاری سہیل الرحمن بلوچ سکھر بیراج نا ہلہلہ ئی دورہ ءِ کریر، ہراڑے کمشنر سکھر ڈویژن عابد سلیم قریشی ہم ساڑی ئس۔ دا موقع آ سندھ ایریگیشن کمامدار آک ڈل ءِ بریفنگ ترسا باور کرفیر کہ بروک آ 24 آن 48 گھنٹہ غاتیٹی بلوچستان ءِ اونا پک کروک آ بشخ نا رِد اٹ دیر انا فراوانی ءِ پک کننگک۔ میڈیا تون ہیت و گپ کرسا صوبائی وزیر کشاری میر محمد صادق عمرانی پارے کہ بلوچستان نا ناڑی تیٹی دا وخت آ دیر انا بھاز کاختی اے و کِشت نا اہم آ ریسہ غا کشارگر آتے دیر انا فراوانی پک کننگ حکومت نا اولیکو اولیت اے، دا ردوم اٹی ہچ ءُ وڑ انا ڈیوالئی اس سگپنہ۔