سیکرٹری مواصلات بابر خان نا کماشی ٹی ڈپارٹمنٹل سب کمیٹی نا دیوان
Get real time updates directly on you device, subscribe now.
سیکرٹری محکمہ مواصلات و تعمیرات بابر خان نا کماشی ٹی ڈپارٹمنٹل سب کمیٹی نا اسہ اہم ءُ دیوان اس اڈ ہلک ہراٹی ضلع استا محمد و ضلع صحبت پور اٹی محکمہ نا سلاہ ئی شونداری ڈٹ آتا سرجم جاچ ہلنگا۔ یات سلے وزیراعلیٰ بلوچستان میر سرفراز بگٹی نا وژن، صوبائی وزیر مواصلات و تعمیرات میر سلیم احمد کھوسہ نا خاص پارت و سیکرٹری مواصلات و تعمیرات بابر خان نا چاروکی ٹی ہڑدے ئی بنداو آ ڈی ایس سی اڈ تننگ انگ اٹی ءِ، تاکہ صوبہ ٹی دا اسکیم آتے زُوت آن زُوت بنا کننگ مرے۔ دیوان اٹی چیف انجینئر نصیر آباد زون محمد بشیر ناصر، پلاننگ اینڈ ڈویلپمنٹ (پی اینڈ ڈی)، فنانس نا کمامدار آک و تعلقدار ایگزیکٹو انجینئر آک بشخ ہلکر۔ دیوان نا وخت آ دا ضلع غاتیٹی محکمہ مواصلات و تعمیرات نا رِد اٹ چندی کسر تتون تعلقدار شونداری ڈٹ آتیا سرجم سجفنگا۔