چاغی ٹی دیر نا کاختی، الس پڑی سے کن دیر نا سکنگ ءِ

چاغی ٹی دیر انا کاختی ترند مسنے، شاریک دیر انا اسہ پڑی اسے کن سکنگ اٹی ءُ، ایلو کنڈ آ ٹینکر مافیا غریب الس ءِ ہڑتوم آ دو تیٹ لُٹنگ اٹی اختہ ءِ۔ چاغی شار انا چندی کلی تیٹی دیر انا بھلو کاختی اس ودی مسنے۔ سرجم حوال آتا رِد اٹ چاغی شار کلی سردار علی احمد خان سنجرانی، کلی شاہ محمود خان سنجرانی، کلی حاجی علی اکبر زیرکاڑی، کلی سخی پیر محمد درانی، کلی حاجی محمد افضل سمالانی نا ایب کیب انا علاقہ غاتیٹی دیر مفننگ نا سوب آن چاغی نا الس سخت خواری تا گواچی ءِ و مچ آ شار اٹی دیر دوئی اف۔ چاغی شار انا 88 کروڑ روپئی نا واٹر سپلائی اسکیم ءِ زُوت پورو کننگے۔ چاغی شار اٹی دیر انا کاختی نا سوب آن ٹینکر مافیا کاٹم ہرفینے، و منشائی نہاد پک کرسا الس ءِ لُٹنگ اٹی اختہ ءُ۔ ہر ٹینکی 2000 آن 3500 اسکان بہا مننگ اٹی ءِ۔ دیر انا فراوانی مفننگ و دیر انا نہاد آتیٹی ودکی نا سوب آن چنا، پیر انگاک و زالبول آک دے مچ دیر انا پٹ و پول اٹی فریشان خننگرہ۔ السی تپہ غاک وزیراعلیٰ بلوچستان میر سرفراز بگٹی و ایم پی اے چاغی حاجی صادق خان سنجرانی آن خواست کرینو کہ چاغی شار انا 88 کروڑ روپئی نا واٹر سپلائی اسکیم ءِ زُوت پورو کننگے تاکہ چاغی نا الس آسرات مرے۔