گچین و الس دوست انصاف کن ادارہ ئی کمک المی ءِ، چیف جسٹس یحییٰ آفریدی

چیف جسٹس آف پاکستان جسٹس یحییٰ آفریدی گچین عدالتی انتظام، کسبی لائخی و الس ءِ گچین عدالتی خذمت آتا فراوانی کن ادارہ جاتی کمک و گچین وڑوڈول آتا پدریسہ ہل/ تس ءِ المی گوندسا پارینے کہ عدلیہ نا برجااصلاحاتی ایجنڈا الس ہند، ٹیکنالوجی تون ہم گرنچ، شفاف و گچین نظام نا جوڑ کننگ اٹی ءِ۔ سپریم کورٹ نا حوالکاری بشخ انا جاری کروک اعلامیہ نا رداٹ دا خیال آتا درشانی ءِ او سپریم کورٹ آزاد جموں و کشمیر نا آفیسر آتا ڈل اتون اوڑدہی نا وخت آ کرینے، ہرا ادارہ ئی لائخی و آزموندہ غاتا ہل/ وتس نا پروگرام نا رداٹ سپریم کورٹ آف پاکستان نا اِرادے ئی دور غا اسلام آباد آ بسنے۔ چیف جسٹس یحییٰ آفریدی ڈل انا خیرمقدم ءِ کرے و عدالتی باندات اٹ تین پہ تینی کمک، کسبی مہارت اٹ ودکی و پوسکن انتظامی وڑوڈول آتا مونی دننگ نا اہمیت آ زور شاغا۔ دا وخت آ ڈل ءِ سپریم کورٹ آف پاکستان نا برجااصلاحاتی ایجنڈا، انتظامی و عدالتی باندات آ سرجمی اٹ حوال تننگا۔ ڈل ءِ ای فائلنگ، ویڈیو لنک انا کمک اٹ سماعت، ڈیجیٹل کیس مینجمنٹ سسٹم، نیشنل جوڈیشل اینالیٹکس ڈیش بورڈ، پبلک فیسیلیٹیشن سینٹر و ایلو ٹیکنالوجی آ تالان اصلاحات نا بارواٹ ہم معلومداری تننگا۔ڈل سپریم کورٹ آف پاکستان نا پبلک فیسیلیٹیشن سینٹر، سپریم کورٹ میوزیم و آئی ٹی ڈائریکٹوریٹ نا ہم دورہ ءِ کرے و عدالتی اصلاحات و تکنیکی گام گیج آتا ستاءِ کرے۔ ڈل ڈیجیٹل کاپی تا جاری کننگ، کیس مینجمنٹ و عدالتی ٹیکنالوجی نا ایلو بشخ آتیٹی ادارہ جاتی کمک نا پیشکش کرے۔ اوڑدہی نا ایسر آ ہڑتوم آ ادارہ غاک تین پہ تینی کمک، کسبی لائخی و گچین وڑوڈول آتا پدریسہ ہل و تس نا عزم انا درشانی ءِ کرسا گچین، رسینگ نا قابل والس دوست انصاف نظام نا مونی دننگ کن اسیجائی کوشست آتے تخنگ آ امناکریر۔