شہید آتا پد خاہوت تون مذاکرات جوڈیشل کمیشن نا نوٹیفکیشن اینومریک

صوبائی وزیرِ جانجوڑی بخت محمد کاکڑ سانحہ زیارت نا شہیدآتا خاہوت و دھرناغان تران کرسا پارینے کہ حکومت تینا شاری تا جان و مال انا رکھ انا پورو زموار ءِ و شہید آتا خاہوت آتا خواست آتیا سنجیدگی اٹ عملدرآمد کننگ انگ اٹی ءِ۔ او پارے کہ وزیراعلیٰ بلوچستان میر سرفراز بگٹی سانحہ پیش بننگ آن دمدستی پد تینٹ زہمی علاقہ نا دورہ ءِ کرے انتئے کہ اودے الس نا نسخان نا بھلو احساس اس ئس۔ او زور شاغا کہ ساڑی حالیت آتیٹی حکومت و الس ءِ اسہ ایلو آ پت کروئی مریک تانکہ ویل آتا بھرمی ایسر کشنگ مرے۔ بخت کاکڑ پڑو کرے کہ شہید آتا خاہوت آتا خواست آ عدالتی تحقیقاتی کمیشن (جوڈیشل کمیشن) نا جوڑ کننگ نا نوٹیفکیشن دوشنبے نا دے جاری کننگک۔