نائب وزیراعظم و ایرانی وزیرخارجہ عباس عراقچی نا ٹیلفون آ حوال

نائب وزیراعظم و ایرانی وزیرخارجہ عباس عراقچی نا نیام اٹی ٹیلیفونک حوال اٹ ڈیہہ انا حالیت آتیا گپ و تران کننگا و نائب وزیراعظم اسحاق ڈار زور شاغانے کہ اسلام آباد مفاہمتی یادداشت نا رِد اٹ چک و تاڑ اٹی کمتی و سگ و صبرا نا کسر ءِ ہرفنگے۔ ترجمان دفترِ خارجہ نا رِد اٹ نائب وزیراعظم و ایرانی وزیرخارجہ عباس عراقچی نا نیام اٹی ٹیلفون آ حوال مس ہراٹی ہڑتوم آ سرکڑدہ غاک ڈیہہ انا حالیت آتیا گپ وتران کریر۔ دا وخت آ اسحاق ڈار پارے کہ اسلام آباد مفاہمتی یادداشت نا رِد اٹ چک وتاڑ اٹ کمتی و صبر انا کسر ءِ ہرفنگے۔ ڈیہہ اٹ مدامگی امن و سوگوی کن مذاکرات و سفارتکاری بھرمی کسر اسے۔ وزیرِ خارجہ اسحاق ڈار پارینے کہ پاکستان ڈیہہ اٹ امن و سوگوی کن تعمیری کڑد برجا تخنگ کن تیار ءِ۔ دفتر خارجہ نا رِد اٹ وزیرِ خارجہ اسحاق ڈار و عباس عراقچی نا نیام اٹی تین پہ تینی حال حوال ءِ برجا تخنگ آ امنا کننگا۔