بلوچستان اٹی برجا آپریشن شعبان اٹی پین خوارجی خلنگانو، محسن نقوی

لوچستان اٹی برجا آپریشن شعبان اٹی پین خوارجی جہنمی کننگانو و بنجائی وزیر داخلہ محسن نقوی آپریشن شعبان اٹی سیکورٹی فورس آتا سرسہبی تا ستاءِ کرسا پارینے کہ پاک فوج، ایف سی بلوچستان و پولیس نا بہادر آ ورناتے سلام۔ اسہ بیان اسے ٹی محسن نقوی پارے کہ پاک فوج، ایف سی بلوچستان و پولیس نا اسیجائی کارروائیک قومی سلامتی نا رکھ انا عزم انا شاہدی ءُ۔ آپریشن شعبان اٹی بشخ ہلوک افسر و ورناتا بہادری و کسبی لائخی تا ستاءِ کینہ۔ محسن نقوی پارے کہ دہشت گرد آتیکن پاکستان نا ڈغار آ ہچ ءُ جاگہ اس اف۔ قوم تینا بہادر آ سیکورٹی فورس آتتون ہم کوپہ سلوک ءِ و دہشت گردی نا پورو چٹفنگ کن پرعزم ءِ۔ دہشت گرد آتا برخلاف کارروائیک پورو واکداری اٹ برجا ءُ و برجا سلرہ۔