بی آئی ایس پی نا بجٹ ءِ 400 ارب روپئی اسکان سرکننگک،وزیر خزانہ

اسلام آباد : وزیرخزانہ اسحاق ڈار پارینے کہ راج انازرگزرانی وڑاٹ نزور تپہ غاتیکن 30 جون اسکان بے نظیر انکم سپورٹ پروگرام نا بجٹ اٹی پین 40 ارب روپئی نا ودکی کننگک و بی آئی ایس پی نا بجٹ ءِ 400 ارب روپئی اسکان سرکننگک۔ وزیرخزانہ پارے کہ نن حساب و کتاب آ امنا کرینن و بنائی گپ وتران آن پد دا گام گیج آتیکن منی فنانس بل اس درستی راستی کرفنگک۔ وزیرخزانہ پارے کہ پاکستان نا سنگت ملک آک ہم تینا قول آتیا عملدرآمد کیرہ، ہنداخاطران زرمبادلہ نا کوڑی تا بابت بایدے مایوس مننگپ، جوہری دھماکہ غاتیان پد پاکستان 400 ملین ڈالر نا زرمبادلہ نا کوڑی تیا ہم گزارہ کریسس، اسٹیٹ بینک دا بابت گام گیج کننگ ءِ۔ اسہ سوج اسے آ وزیر خزانہ پارے کہ نجکاری نا عمل آن ٹریک ءِ، وزیراعظم تینٹ تدوک آ ہفتہ اِرامسہ میٹنگ کرینے۔ اوپارے کہ پیٹرولیم مصنوعات آتیا خراج ٹیکس انا شڑت ءِ نن امنا کتون، و آئی ایم ایف ٹیم ہم دا شڑت آتے پدی ہلکنے۔ وزیرخزانہ پارے کہ پاکستان ڈیفالٹ مفک، ای وخت اس ہم ڈیفالٹ نا ہیت ءِ کتنوٹ، ہرافک داہیت آتے کننگ اٹی ءُ او پاکستان ءِ بدنام کننگ اٹی ءُ، اگہ ملک اسے نا وزیراعظم پاکستان آن پیشن ہنسا پائے کہ پاکستان وام تیٹی ڈبنگانے و ملک اٹی کرپشن ءِ تو داوڑنا ملک اٹی دیر اس زرکاری کن بریک؟

(اے پی پی)