ترکیہ شام زمی جمب زہمی تا کمک کن وزیراعلیٰ بلوچستان فنڈ فعال
گریڈ 20 و اوکان زی انا افسر آک بنداوی تنخواہ نا نیمہ،اوکان شیف اناک اسہ دے تنخواہ اس خیرات کیرہ
Get real time updates directly on you device, subscribe now.
کوئٹہ: ترکیہ و شام انا زمی جمب نا زہمی تا کمک کن وزیراعلیٰ بلوچستان فنڈ فعال کننگا۔ فنڈ اکاؤنٹ نمبر 4244015352 برانچ کوڈ 0051 اٹ جمع کرفنگ مریک۔ وزیراعلیٰ ازگار آتیان زیات آن زیات فنڈ ترکیہ و شام انا زمی جمب نا زہمی تا فنڈ اٹ جمع کرفنگ نا خواست کرسا پارینے کہ فریشانی نا دا ساہت اٹ تینا زہمی ایلم تتون سلوک ان و اوفتے تنیا الیپنہ۔ داکان مست وزیراعلیٰ بلوچستان میر عبدالقدوس بزنجو ترکیہ و شام انا زمی جمب زہمی تیکن ریلیف فنڈ جوڑ کننگ نا منظوری ءِ تس۔ وزیراعلیٰ دا منظوری ءِ محکمہ خزانہ نا کنڈآن راہی کروک اسہ سمری سے آ تس۔ ریلیف فنڈ کا مائنر ہیڈ G 121 میجر ہیڈ G 12 و پورو ہیڈ G 12166 ءِ‘ الس و ازگار بندغ آک دا اکاؤنٹ اٹ تینا خیرات آتے جمع کرفنگ کیرہ۔ وزیراعلیٰ بلوچستان صوبائی وزیرک‘ پارلیمانی سیکرٹری و صوبائی اسمبلی نا باسک آک تینا اسہ تو انا تنخواہ ءِ خیرات کیرہ۔ گریڈ 20 واوکان بڑز انا افسر آک تینا بنداوی تنخواہ نا نیمہ ءِ خیرات اٹ ایترہ‘ گریڈ 1 آن 19 نا کارندہ و افسر آک تینا بنداوی تنخواہ غان اسہ دے انا تنخواہ ءِ خیرات کیرہ۔ وزیراعلیٰ سیکرٹریٹ تون اوار مچ آ صوبہ نا مسیت آتے ٹی جمعہ نماز اٹ ترکیہ و شام انا زمی جمب نا زہمی تیکن خصوصی دعا کننگا‘ عالم دینک الس آن ریلیف فنڈ اٹ بھلو کچ اسے ٹی خیرات تننگ نا خواست کرینو۔
(خ ن)