اوستہ محمد ؛ فلٹر پلانٹ نا کاریم پورو
Get real time updates directly on you device, subscribe now.
اوستہ محمد (آن لائن) حلقہ نا ایم پی میر جان محمد خان جمالی نا سلاہ تروک فلٹر پلانٹ نا کاریم پورو مسنے‘ اوستہ محمد گنداخہ نا خلقی علاقہ غاتے ٹی الس ءِ ساف ءُ دیر رسینگک‘ سکھر بیراج آن دیر انا فراوانی نا بند منگ آن مست نن اوستہ محمد فیز 1اٹ دیر اسٹور کننگ اٹی ان‘ شاری تے دیر فراوان کننگ محکمہ پی ایچ ای نا زمواری تے ٹی اوار ءِ۔ دا خیال آتا درشانی ءِ میر فاروق خان جمالی ایکس ای این پی ایچ جعفرآباد ندیم پانیزئی ایس ڈی او عبدالطیف کھوسہ ریاض جمالی عبدالحمید جمالی تون اوار فیز 1 اٹ تلاپ و واٹر پلانٹ نا جاچ ءِ ہلنگ ناوخت آ کرے۔ دا وخت آ میر فاروق خان جمالی پارے کہ اوستہ محمد گنداخہ نا خلقی علاقہ غاتے ٹی الس ءِ کنوئی ءُ سفا ءُ دیر و اوستہ محمد شار اٹ ہم دیر انا فراوانی کن کوشست کننگ اٹی ان‘ شاری تے دیر فراوان کننگ کن غٹ دوئی وسیلہ غاتے کاریم اٹ اتنگے۔ فلٹر پلانٹ خلنگ نا مسخت الس ءِ سفاءُ دیر فراوان کننگ ءِ۔