حکومت کوڑی کروک آتا برخلاف کارروائی کے‘مولانا عبدالحکیم انقلابی

نصیرآباد (آن لائن) جمعیت علماءپاکستان نا صوبائی جنرل سیکرٹری مولانا عبدالحکیم انقلابی و ضلعی صدر غلام مصطفی کورار پارینے کہ حکومت لاک ڈاﺅن تو کرینے ولے اگہ روزانہ کروک مزور تپّہ کن راشن‘ کنوئی آگڑاتا بست وبند مسکہ تو گڑا لاک ڈاﺅن نا پد جوان مسکہ‘ نن رکھی گام گیج آتا برخلاف افن ولے الس ہراتم اسکان بینگن سلک‘ غریب آ خاہوت‘ مزور آتیکن راشن فراوان کننگ تون اوار یوٹیلٹی بل آتے بشخنگے‘ مسہ قسط انا ریلیف الس ءِ ریفنگ آنبار ءِ‘ لاک ڈاﺅن الس ءِ بین انا گواچی کرینے۔ اوپاریر کہ حکومت ءِ غریب الس نا مشکل آتا احساس اف‘ ایلو کنڈآ الس ءِ کبینی و کوڑی کروک آک مشکل آتا گواچی کرینو‘ حکومت کوڑی کروک آتا برخلاف کارروائی کے‘ لاک ڈاﺅن آن کنوئی آگڑاتا نہاد ودانے‘ اوپاریر کہ حکمران آک ملکی زرگزران ءِ بھس کرینو۔