خواہسنہ کہ وزیر خارجہ تران کپ، و ننے ورندی تروئی تمپ‘خواجہ آصف

اسلام آباد(آن لائن )قومی اسمبلی ٹی پاکستان مسلم لیگ (ن) نا راہشون خواجہ آصف پارینے کہ اُست خواہی ئس کہ وزیر خارجہ تران کپ و ننے اونا ورندی ءِ تروئی تمپ، اُلس نا مون آ تینا پوائنٹ ءِ تخنگ نا گرج سمجھوہ، پیر ومرشد جوڑ مرسا قبر آتا کٹ ءِ کننگ اٹی ءُ، او جاگہ نا کٹ ہرانگ ہننگ اٹی ءِ، نیب قبر آتا حساب ءِ ہم الے، دا بابت اٹ اسپیکر قومی اسمبلی اسہ پارلیمانی کمیٹی اس جوڑ کے و کل بل آتے ہمو کمیٹی آ راہی کننگ آ امنائی مس، تاریخ گواہ ءِ ہرافک ہرا کانود ءِ جوڑ کریر و اوڑتون مون تسر، مگہ کے پی کے جنت نا ٹکر اسے اوڑے ہچ ءُ کرپشن اس مفک، اوفتا صوبہ ٹی احتساب کمیشن نا کماش استیفہ تس و دفتر ءِ کلف کننگانے، اگہ اوفتا ایجنڈا وڈی خوری نا ایسری و وڈی خوری نا برخلاف ءِ۔ تو اوفتتون مہا کرپٹ تولوک ءُ۔ قومی اسمبلی ٹی تینا خیال آتا درشانی ءِ کرسا خواجہ آصف مستی پارے کہ داڑتون اوار اوار انفارمل کمیٹی اپوزیشن و حکومت ہندا بل آتیا اسٹی نا رایہ ءِ ودی کرفک و اللہ اللہ کرسا اسپیکر نا اُرا ٹی 9 باسکی کمیٹی کاریم نا بنا ءِ کرے، نیب کانود اٹ بدلی نا بابت اٹ کلاز بائی کلاز جاچ ہلنگا، ولے دا ہیت ءِ منوئی تمک کہ وزیر خارجہ سیاست دان اسے و رنگ بازی کرے ، ہندا بل آتے ٹی منہ ہیت انا ذکر ءِ ہچ کتو، وزیر خارجہ دا پاننگ خواہس کہ نن نیب زدہ اُن و نیب کانود آتیان بچنگ خوانہ۔