حکومت نا جوان و وخت آگام گیج کننگ آن کورونا نا کیسک کم مسنو‘میرضیاءلانگو
Get real time updates directly on you device, subscribe now.
کوئٹہ (خ ن) صوبائی وزیرداخلہ میر ضیاءاللہ لانگو ضلعی انتظامیہ ءِ بھلا عئید آ کورونا وائرس نا گمانی تالان مننگ ءِ توننگ کن بست وبند و تیاری تیان بیدس صوبہ نا جم سکیورٹی حالیت نا سوب آن الس ءِ صوبائی حکومت نا کنڈآن تروک ایس او پی تیا پورو عملدرآمد ءِ پک کننگ نا پارت کرینے‘ تینا بیان اٹ او پارے کہ سَفائی‘ ماسک، سوشل ڈسٹنس دا کل سرحال تیا چکار کننگ نا گرج ءِ تاکہ داناجوڑی آن پورو وڑ اٹ خلاسی مننگ کے‘ اگہ السی کہول آ بھلا عئید آ رکھی گام گیج کننگتو تو ملک اٹ خطرناک دنگ اسکان کورونا تالان مننگ کیک‘ اوپارے کہ صوبائی حکومت نا جوان و وخت آگام گیج کننگ آن کورونا نا کیسک کم مسنو ولے ناجوڑی نا خلیس داسکان ارے ہندا سوب آن احتیاط بھاز المی ءِ۔ صوبائی وزیرداخلہ مستی پارے کہ الس ءِ آسراتی رسیفنگ و پوریاگر تا مشکل تا سوب آن حکومت اِرا دے اکن سہب انا 10 بجہ غان ننکان 12 بجہ اسکان دکانک تے ملنگ نا فیصلہ کرینے۔