تعلیم نا اولیکو مسخت انسانیت نا تعمیر ءِ‘غلام علی بلوچ
Get real time updates directly on you device, subscribe now.
گوادر (خ ن) سیکرٹری تعلیم غلام علی بلوچ پارینے کہ تعلیم نا اولیکو مسخت انسانیت نا تعمیر ءِ‘ دنیاوی آزموندہ غاتیان آگاہی و واقفیت تعلیم ناالمی آ بشخ ءِ‘ طالب علم آتے زند انا شیفی بڑزی تیان معلومدار مننگ و زند انا ہل/ وبگیرکن سنبرینگوک مننگ تعلیم نا اولیکو مسخت ءِ دا مسخت ءِ سرسہب کننگ ناکل آن بھلا کڑدار استاد آتاءِ۔ دا خیال آتا درشانی ءِ او گوادر ماڈل اسکول گوادر اٹ مچ آضلع نا میل فی میل کلسٹر ہیڈ آتا دیوان آن تران کرسا کرے‘ دیوان اٹ ایڈیشنل سیکرٹری منیراحمد نوڈازئی‘ ایڈیشنل ڈائریکٹر ایم اینڈ ای ڈویژنل ڈائریکٹر مکران خان محمد عزیزالرحمن ضلعی افسر تعلیم گوادر تون اوار مچ آضلع نا کلسٹر ہیڈ آک بشخ ہلکر۔ دیوان اٹ ضلع نا کلسٹر ہیڈآک سیکرٹری تعلیم ءِ تینا ادارہ غاتا ویل ومشکل آتیان معلومدار کریر‘ دیوان اٹ تعلیم نا گچینی‘ گڑاتے شفاف وڑ اٹ ہلنگ نا بابت چندی امور تیا ہیت وگپ کننگا۔