حکومت کن خطرہ نا گھنٹی ہموتم لگک ہراتم اپوزیشن اواری اٹ گھنٹی ءِ خلیک‘حافظ حسین احمد
کوئٹہ (آن لائن) جمعیت علماءاسلام نا بنجائی ترجمان حافظ حسین احمد پارینے کہ حکومت کن خطرہ نا گھنٹی ہموتم لگک ہراتم اپوزیشن اواری اٹ گھنٹی ءِ خلیک‘ دا وخت اسکان اپوزیشن اٹ مُر اسکان سنجیدگی خننگپک‘ ق لیگ ناارغ کُنپننگ ناراضی نا درشانی وخت اس کہ وونٹ تننگ بیوسی نا درشانی ءِ‘ اپوزیشن تانکہ سنجیدہ واسیجا مفک حالیت آک ہندن سلرہ‘ اے پی سی بروک آ بجٹ آن مست مننگ کیک اوکان مست گمان تے اف‘ ساڑی حالیت آتے ٹی ٹائمنگ نا اہمیت بھازءِ و اپوزیشن ٹائمنگ ءِ اولیت تفننگ ءِ۔ دو شنبے نادے تینا ہنکین جامعہ مطلع العلوم اٹ صحافی تا ڈل اتون ہیت وگپ کرسا حافظ حسین احمد مستی پارے کہ اپوزیشن نا ہرا ساڑی حالیت خننگ انگ ءِ او ننا مست انا آزموندہ غاتیانبار ءِ ہندا سوب آن تانکہ مصلحت و مصالحت آن ایڑتر اپوزیشن اسیجا مفک ہمو وخت اسکان حالیت آک بدل مننگ کپسہ۔