تعلیم ہر وڑانا شونداری نا بنداو و قومی احساس زمواری ناپن ءِ‘گورنر بلوچستان

کوئٹہ (خ ن) گورنربلوچستان امان اللہ خان یاسین زئی پارینے کہ تعلیم نئے بیرہ ہر وڑانا شونداری نا بنداو ءِ بلکہ اسہ قومی احساس زمواری سے نا پن ہم ارے‘ ہڑتوم آ حال اٹ استاد آتا کڑد آن نمن مننگ کپک‘ گورنر امان اللہ خان یاسین زئی پارے کہ نن مچ آ صوبہ نا پبلک سیکٹر یونیورسٹی تا استاد آتے مون تروک ویل و مشکل آتیان نئے بیرہ معلومدار ان بلکہ اوفتے ایسر کننگ کن سنجیدہ کوشست کننگ اٹی ان۔ دا خیال آتا درشانی ءِ او تدوک آدے گورنرہاﺅس کوئٹہ ٹی صوبائی اسمبلی نا باسک ومسکوہی وزیراعلیٰ بلوچستان نواب محمد اسلم رئےسانی ناکماشی ٹی یونیورسٹی آف بلوچستان و لسبیلہ یونیورسٹی نا پروفیسر آتیا ساڑی ڈل اتون ہیت وگپ کرسا کرے۔ داوخت آ گورنر بلوچستان پارے کہ قوم تا روشنا آخبت برائے راست تعلیم و تعلیمی ادارہ غاتون گنڈوک مریک ہندا سوب آن تعلیم نا بشخ اٹ میرٹ نا لتاڑ و تینائی گری نا ہچ گنجائشت اف۔ استاد آتا تعیناتی آن ہلیس طالب علم آتا داخلہ غاتسکان میرٹ ءِ اولیت تننگانے۔