والمیک برادری نا دیوان‘9سال آن جوڑ مسکوہی کابینہ ءِ پرغنگا

قلات (فیض نیچاری) قلات والمیک کمیٹی ہال اٹ والمیک برادری نا اسہ دیوان اس تدوک آ دے اڈ ہلک‘ ہراٹی برادری نا چنکا بھلا سرکڑدہ غاک بشخ ہلکر و دیوان اٹ اسیجائی اٹ فیصلہ کننگا کہ ہرا مسکوہی 9 سال آن جوڑ کابینہ ءِ چٹفنگانے اینو آن پد مسکوہی چوہدری مدن لال ولد اقبال مسیح تینا تینٹ زموار مریرہ۔ برادری زموار مفک۔ دیوان اٹ پاننگا کہ اینو آن پد قوم و برادری نا آسودہی کن انگ کہ کاریم مس او نجی مریر یا سرکاری او کل والمیک سماج سیوا سوسائٹی نا کنڈآن مریرہ وخت اس کہ آخبت نا لائحہ عمل اٹ 90 دے آن پد والمیک کرسچن برادری تینا پوسکن آ کابینہ ءِ ٹہیفک۔ ہمو وخت اسکان برادری نا کل کاریم تے والمیک سماج سیوا سوسائٹی کیک ہرانا عہدیدار تے ٹی صدر جگدیش رام چند ولد اجالا رام نائب صدر مختیار ولد کرتار چند چیئرمین سنیل کمار ولد بشن داس وخت اس کہ جنرل سیکرٹری کامران و سوسائٹی نا ایلو باسک آک اوار ءُ‘ دا بابت ڈپٹی کمشنر ضلع قلات سپرنٹنڈنٹ آف پولیس قلات، شہری ایکشن کمیٹی ضلع قلات، چیف آفیسر میونسپل کمیٹی، ہندو پنچائت قلات ءِ ڈہ تس کاپی فراوان کننگانے۔