پاکستان اٹ فٹبال نا بھسکاری نا زموار پاکستان فٹبال فیڈریشن نا مسکوہی صدر فیصل صالح حیات ءِ‘ نوراحمد

نوشکے (تلار حوالکار) مسکوہی ڈسٹرکٹ کوچ انور جان فٹبال اکیڈمی نوشکے نا کوچ نوراحمد تینا اسہ بیان اسے ٹی پارے کہ پاکستان پریمیئرلیگ 2018 ٹی ملتان اٹ گوازی کننگا وخت اس کہ ملتان نا ہچ ءُُ ٹیم اس پریمیئر لیگ اٹ اوار الو، بلوچستان نا مسہ کلب پاکستان پریمیئر لیگ اٹ گوازی کریرہ، بلوچ کلب نوشکے افغان کلب چمن و مسلم کلب چمن اوار ئسر، بلوچستان نا کلب آتے تینا ہوم گراونڈ آتیٹی گوازی کننگ کن الیتوسہ وخت اس کہ بلوچستان نا گراونڈ آک ایلو شار تیان جوان ُ او پاکستان پریمیئر لیگ ڈیلی معاوضہ فی میچ انا 15000روپئی تسکہ ہراٹی ٹرانسپورٹ کُننگ بیننگ و ایلو خرچہ غاک اوار ءُ ہراکہ گوازی گر و کلب آتتون بے دادی اسے او ریفری تا خرچہ غاتے ہم وخت آ پورو تننگتوکہ پاکستان فٹبال فیڈریشن نا کل آن بھلا نااہلی ہندادے کہ پاکستان پریمیئر لیگ نا میچ آک پاکستان فٹبال فیڈریشن نا بیدس ساڑی گری آن گوازی کننگرہ او کمتی تا سوب آن پریمیئرلیگ کے نا گیشتری میچ آتے مالو آن فکس کیرہ، پریمیئر لیگ نا میچ آک ڈائریکٹ ٹی وی آ نشان تننگ تو پین ہیت اسے میچ آتا بابت اٹ خبر اس ہم چلیفپسہ، فیفا پاکستان فٹبال فیڈریشن ءِ 27 کروڑ روپئی ایتک او پاکستان اسپورٹس ہم مالی کمک کیک نن فیصل صالح حیات آن دا سوج ءِ کینہ کہ دا پیسہ غاتے ہراڑے خڑچ مننگ اٹی ءُ، مسکوہی صدر پاکستان فٹبال فیڈریشن فیصل صالح حیات پانزدہ سال فیڈریشن اٹ مننگ آن پد ہم کارکڑد مفننگ نا کچ اٹی ءِ، ہرا اونا نااہلی نا شاہدی اسے۔