پی ایف ایف نا مسہ دے ئی آن لائن ویمن انٹرو ڈکٹری کوچنگ کورس ایسر مس
Get real time updates directly on you device, subscribe now.
اسلام آباد: (مانیٹرنگ ڈیسک) پاکستان فٹ بال فیڈریشن نا کنڈآن مسہ دے ئی آن لائن ویمنز انٹرو ڈکٹری کوچنگ کورس تدوک آ دے ایسر مس۔ کورس اٹ شش، مسہ گھنٹہ نا بھلو بھلو سیشن مسر، ہرافتے ٹی مچ آ ملک انا جتا تجا کلب و ڈیپارٹمنٹ آتا پن کروک آ 20 نیاڑی بشخ ہلکر۔ قومی ٹیم نا ہیڈ کوچ طارق لطفی جونیئر ٹیم کوچ ناصر اسماعیل و محسن الحسنین نا کمک تون اوار کورس انا چیف انسٹرکٹر نا زمواری تے پورو کیک۔ دا کورس انا سوب آن بشخ ہلوک آ نیاڑی تے فٹ بال کوچنگ نا دنیا آن درستی راستی کرفنگا۔ کورس اٹ بشخ ہلوک آ نیاڑی و انسٹرکٹر آک پی ایف ایف نا دا گام نا ستا ءِ کرسا اودے دا سلاہ ءِ تسر کہ داوڑ نا پین کورس ہم مرسا کے۔ چیف انسٹرکٹر طارق لطفی صاحب پارینے کہ دا کورس کوچنگ نا آخبت کن اسہ اومیت اسے۔ او طالبعلم آتا اُست خواہی ءِ کرسا پارینے کہ اودے کوچنگ اٹ جوان ءُ تعلیم اس دوئی کننگ نا کوشست کننگے۔ دا آن لائن کوچنگ کورس آتا ایلو کورس پاکستان پریمیئر فٹ بال لیگ نا کوچ آتیکن بروک آ ہفتہ ٹی اڈ تننگک۔