بلوچستان یونین آف جرنلسٹ نا پوسکن گچین مروک آ کابینہ حکومت و پریس نا تعلقداری نا جوانی ٹی کڑد ادا کے‘ میر جان جمالی
Get real time updates directly on you device, subscribe now.
کوئٹہ : قائمقام گورنر بلوچستان میر جان محمد جمالی بلوچستان یونین آف جرنلسٹس نا پوسکن گچین مروک آ صدر عرفان سعید، جنرل سیکرٹری منظور بلوچ و ایلو پوسکن گچین مروک آ کمامدار آتے مبارکبادی پیش کرسا اومیت آتا درشانی ءِ کرے کہ بلوچستان یونین آف جرنلسٹ نا پوسکن گچین مروک آ کمامدار، حکمران تپہ نا توجہ اُلسی ویل آتا کنڈا ٓاتنگے۔ صحافی تا حق و اختیار تا رکھ ءِ کننگ، حکومت و پریس تعلقداری ءِ پین جوان کننگ کن کڑدا ادا کیک۔ او پارینے کہ صحافی تتون اوار ہر بندغ نا زمواری تیٹی اوار ءُ کہ او نیشنل و انٹرنیشنل کہول آ ملک و قوم انا جوان درستی کرفنگ کن کڑدا ادا کیر۔ گورنر بلوچستان پوسکن گچین مروک آ کابینہ نا پین سرسہبی و اُست خواہی نا درشانی ءِ کرے۔
(خ ن)