گوادر فری زون نارتھ فیز ٹو ءِ بجلی فراوانی نا ڈٹ پوروی آن خڑک
Get real time updates directly on you device, subscribe now.
گوادر : گوادر فری زون (نارتھ فیز II) ءِ 5 میگاواٹ بجلی نا فراوانی نا ڈٹ ایسر مننگ اٹی ءِ۔ گوادر فری زون (نارتھ فیز II) نا انڈسٹری ءِ بجلی نا فی یونٹ 85روپئی نا جاگہ غا 50یا 55روپئی اسکان رسینگک۔ 5میگا واٹ بجلی نا ڈٹ آن گوادر فری زون (نارتھ فیز II) نا چینی و ایلو ملکی و در ملکی کمپنی تے بجلی کن کم و ود 30روپئی فی یونٹ بچت مریک ہراڑان اونا پیداواری لاگت اٹ کمتی بریک۔ وخت اس کہ ایلو مرحلہ ٹی گوادر فری زون (ساؤتھ) و گوادر پوaرٹ اکن بروک آ تو تیٹی 12 میگاواٹ بجلی نا فراوانی ءِ پک کننگک۔ کمامدار آتا رداٹ اولیکو مرحلہ نا انتظام تا اسہ بشخ اسے نا وڑاٹ بجلی نا جوڑی نا بنداوی جون و کیہی الہ غاتیان آنبار ٹرانسمیشن لائن تتون پول آتا جوڑی ءِ جوڑ کننگ اٹی ءِ۔ کیہی الہ غاک 3 کلومیٹر مرغن ءُ ہرا گوادر پورٹ نا گرڈ اسٹیشن ءِ گوادر فری زون (نارتھ فیز II) نا علاقہ غان اوار کیک۔ اولیکو مرحلہ نا انتظام آتا رداٹ 5 میگاواٹ نا دوئی مننگ آن پد گوادر فری زون (نارتھ فیز II) اٹ صنعت و کارخانہ غاتیکن بجلی نا خرچہ کم و ود 50 آن 55روپئی فی یونٹ مریک۔ پد آن ارٹمیکو مرحلہ ٹی گوادر پورٹ و گوادر فری زون (ساؤتھ) کن ہندا نہاد مریک۔ ہرا نہ بیرہ ساڑی کاروباری ادارہ غاتیکن وخت اس کہ گمانی سرمایہ کار آتیکن مالی فائدہ رسینگک۔
(خ ن)