ننے تینا سیکورٹی ادارہ و شہید آتا قربانی تیا فخر ءِ‘ وزیراعلیٰ بلوچستان

کوئٹہ: وزیراعلیٰ بلوچستان میر عبدالقدوس بزنجو پولیس لائن پشاور اٹ مروک آ دھماکہ نا مذمت ءِ کرسا قیمتی آ جانی نسخان آ ڈکھ و افسوز نا درشانی ءِ کرینے۔ تینا مذمتی بیان اٹ وزیر اعلیٰ پارینے کہ ملک انا سلامتی نا ادارہ و معصوم شاری تے ٹارگٹ کننگ نا مذمت ءِ کینہ۔ دہشت گرد آک اسہ وار ولدا پُل آتا شار ءِ ٹارگٹ کرینے ولے  پشاور نا اُلس ہر وخت دشمن تا مسخت آتے مش تیٹی اوار کرینے۔ وزیر اعلیٰ پارینے کہ دہشت گردی نا لہر کل آن زیات بلوچستان و خیبر پختونخوا ءِ زہمی کرینے و ہڑتوم آ صوبہ غاتا اُلس دہشت گردی نا مقابلہ ءِ کرینو و وخت اس کہ اُلس و سیکیورٹی ادارہ غاک  دہشت گرد آتون مقابلہ کریر۔ او پارینے کہ ننے تینا سیکورٹی ادارہ و شہید آتا قربانی تیا فخر ءِ۔ ہرافک ہر وخت ملک انا سلامتی نا خاطر آن تینا جان تے ندر کرینو۔

(خ ن)