آرمی چیف نا پی ایچ ایف ءِ پنچ کروڑ روپئی تننگ نا پڑو
Get real time updates directly on you device, subscribe now.
راولپنڈی (اے پی پی) پاک فوج انا سروک جنرل قمرجاوید باجوہ تون صدر پاکستان ہاکی فیڈریشن بریگیڈیئر (ر) خالد سجاد کھوکھر اوڑدہی کرینے۔ اوڑدہی ٹی اوآرمی چیف ءِ ملک اٹی ہاکی نا آب انا بحالی نا بابت گام گیج آتیان معلومدار کرے۔ پاک فوج انا شعبہ تعلقات عامہ(آئی ایس پی آر) آن جاری بیان نارداٹ پاک فوج انا سروک جنرل قمرجاوید باجوہ پارے کہ فوج مدام گوازی خاص کر ہاکی نا مون آ دننگ کن کمک کرینے۔ اوپارے کہ حکومت ہاکی نا بحالی ٹی است خواہی ہلنگ ءِ و داوخت آن زیات آن زیات فائدہ ہرفنگے۔ آرمی چیف آرمی ویلفیئر فنڈ آن 5 کروڑ روپئی پاکستان ہاکی فیڈریشن ءِ تننگ نا وعدہ کرے۔ پاکستان ہاکی فیڈریشن نا صدر آب اٹ گچینی کن کوشست آتیٹی ودکی نا عزم و ہاکی نا پدریسہ مخ تفی آ آرمی چیف انا منت واری ءِ ہرفے۔ پاک فوج راولپنڈی و اوکاڑہ ٹی 2 آسٹر وٹرف اسٹیڈیم ہم جوڑ کرینے۔