یکم ستمبر آن پٹرولیم مصنوعات آتانرخ اٹی 5 روپئی فی لیٹر ودکی نا گمان
Get real time updates directly on you device, subscribe now.
اسلام آباد(آن لائن)یکم ستمبر آن پٹرولیم مصنوعات آک5 روپئی فی لیٹر کبین مننگ نا گمان ارے۔ حوال نا رداٹ زیات ٹیکس او پٹرولیم لیوی نا سوب آن پٹرولیم مصنوعات آتا کبین مننگ نا گمان ارے۔ یکم ستمبر آن پٹرولیم مصنوعات آتا 5 روپئی فی لٹر کبین مننگ نا گمان نا درشانی ءِ کننگ انگ ءِ۔ حوال نا رداٹ پٹرول نا بہا ٹی چار و نیم روپئی فی لیٹر ودکی نا گمان ارے۔ ہائی سپیڈ ڈیزل 5 روپئی فی لٹر اسکان کبین مننگ نا گمان ارے۔ حکومت31 اگست آ پُوسکن آ بہا تے پک کیک۔ داکان مُست پاننگاسُس کہ ستمبر آن ہر 15 دے آن پد پیٹرول نا بہا تیٹی ردو بدل کننگ نا فیصلہ، اقتصادی رابطہ کمیٹی (ای سی سی) نا فیصلہ نا رداٹ 15 دے ئی بنداو آ پیٹرولیم نہاد آتے پک بروک آ تُو آن کننگک، ساڑی تُو اگست نا ایسری اسکان ساڑی پیٹرولیم نہاد آک مالو آمبار سلرہ او 15 دے انا بنداو آ تیل انا نہاد آتے پک یکم ستمبر آن بنا مریک۔