قومی اسمبلی‘ ایوان نا چاگڑد آن لگنگ اٹی ءِ کہ پی ڈی ایم پنی مسنے‘اختر مینگل

اسلام آباد (آن لائن) بلوچستان نیشنل پارٹی مینگل نا کماش اختر مینگل قومی اسمبلی ٹی تینا خیال آتا درشانی ءِ کرسا پارے کہ اولیکو دے آن خشت ءِ تخنگانے۔ ای پی ڈی ایم نا بشخ اسے اُٹ۔ سما الو کنے کہ پی ڈی ایم داخس پنی مریک اینو ایوان نا چاگڑد و حکومت نا رویہ ءِ خننگ آن لگنگ اٹی ءِ کہ پی ڈی ایم پنی مسنے۔ محمود خان اچکزئی دن ءُُ ہچ ءُُ ہیت اس کتو کہ ہراڑا اعتراض کننگے او پارینے کہ جلسہ ٹی بلوچستان نا آجوئی نا نعرہ ءِ خلنگانے و او شاہ احمد نورانی نا مار آ دوبہ ءِ خلنگانے کہ ہرا آرٹیکل 6 انا خلاف ورزی ءِ کرینے او اگہ جج اسے یا جرنل اسے، ہندن ءُُ قرار داد اس اتے ای سپورٹ کننگ کن تیار اُٹ۔ ملک اٹ مارشل لاء نافذ ءِ، کس اس منے یا منپ، براہمدغ بگٹی آ دوبہ خلنگے کہ اونا پیرہ بلوچستان نا گورنر مسنے۔ ملک انا وزیراعظم دا وخت آ دا بلوچستان نا آجوئی نا ہیت ءِ کننگ کیک تو اودے ہم بایدے سزا رسینگے ہرا اویس نورانی ءِ ملک۔