کورونا وائرس نا ارٹمیکو بھلا چُلک نا بابت این سی او سی نا پُوسکن ءُُ پارت جاری
Get real time updates directly on you device, subscribe now.
اسلام آباد(آن لائن) نیشنل کمانڈ اینڈ آپریشن سنٹر(این سی او سی) نا کنڈآن کورونا دَین نا دے تیٹی پُوسکن آ پام تے برجا کننگانے ہرافتا رداٹ اُراغان پیش تمنگ نا وخت آ پرائیوٹ و سرکاری دفترک، پبلک ہند آک، شاپنگ مال، گڑا ہلوک آ ہند آک، اُلس اجتماعک، پبلک ٹرانسپورٹ آتیٹی ماسک بیننگ المی گوندنگانے۔ تدوک آ دے نیشنل کمانڈ اینڈ آپریشن سنٹر(این سی او سی) نا کنڈآن پُوسکن آ ایڈوائزری ءِ جاری کننگانے ہراٹی پاننگانے کہ اُراغان پیشن زیات رش والا جاگہ، اُلسی اجتماع تیا ہنوک آ ہر شاری آ ماسک بیننگ ءِ المی گوندنگ انگ ءِ۔ پارت آتا رداٹ سرکاری و پرائیوٹ آ دفتر تیٹی ماسک بیننگ ءِ المی کننگانے۔