گلگت بلتستان نا اُلس بنجا ٹی نمائندگی خواہک دا ننا منشور اٹی اوار ءِ‘بلاول بھٹو 

0

Get real time updates directly on you device, subscribe now.

اسکردو (آن لائن)پاکستان پیپلزپارٹی (پی پی پی) نا چیئرمین بلاول بھٹو زرداری پارینے کہ گلگت بلتستان نا اُلس نا خواست ءِ کہ بنجا ٹی نمائندگی، قومی اسمبلی و سینیٹ اٹ رکنیت تننگے و ہندا خواست آک ننا منشور اٹی اوار ءُُ۔ ننا 2018 نا وعدہ ءِ او ای ہچ ءُُ گوازی گر یا سلیکٹڈ اس افٹ کہ تینا وعدہ غان یوٹرن ہلیو و ہندا منشور ءِ اتسا داڑے بسونٹ و ہمو وخت اسکان انپرہ تانکہ حکومت جوڑ متنے۔اسکردو ٹی پی پی پی نا گچین کاری مہم نا چر اٹ کارندہ غاتیان تران کرسا بلاول بھٹو زرداری پارینے کہ گلگت بلتستان نا اُلس نا خواست آتے نن 2018 نا تینا منشور اٹ اوار کریسن و دا منشور ءِ ملک انا ہر کونہ ٹی درسا ہنانٹ۔ اونا پاننگ ئس کہ دا منشور اٹ پاننگانے کہ گلگت بلتستان نا اُلس ءِ صوبہ، بنجاہ ٹی نمائندگی، قومی اسمبلی ٹی رکنیت و سینیٹر تننگے و دا ملک انا وزیراعظم ءِ گچین کننگ کن گلگت بلتستان نا اُلس ءِ ووٹ اٹ جوڑ مروئی ءِ۔ گلگت بلتستان نا اُلس نا خواست ءِ کہ ننا فنڈ اٹ ودکی مرے، ہراتم بنجا ٹی گچین کاریک مریر تو گلگت بلتستان اٹ ہم گچین کاریک مریر۔

Get real time updates directly on you device, subscribe now.

Leave A Reply

Your email address will not be published.