انتظامیہ پر تیان پد انا گمانی حالیت آتے کن سنبرینگوک مرے، وزیر اعلیٰ

0

Get real time updates directly on you device, subscribe now.

کوئٹہ(خ ن) وزیراعلیٰ بلوچستان جام کمال پِر تیان ودی مروک آ حالیت آتون مون تننگ کے کل محکمہ، ادارہ او ضلعی انتظامیہ ءِ فعال مننگ، زہمی بندغ آتا کمک، پِر او نوکاپی دیر تیان زہمی مروک آ قومی شاہراہ او سڑک آتا زوت اس بحالی نا پارت کرے۔ وخت اس کہ او محکمہ آبپاشی ءِ ڈیم تا نگرانی ءِ کننگ او حب ڈیم انا گنجائشست آن پُر مننگ مروک آ ڈیم تا سپل وے تے ملنگ نا پارت ہم کرینے، وزیراعلیٰ پین پر تا پیشن گوئی نا بابت ہمو علاقہ غاتا آبادی تے رکھوک ہند آتیا دننگ، ہندا علاقہ غاتے ٹی اُلس ءِ رکھوک گام گیج آتے کاریم اٹ اتنگ او ٹریول ایڈوائزری نا جاری نا ہم پارت کرینے، وزیراعلیٰ محکمہ مواصلات، محکمہ کشت و کشار او محکمہ آبپاشی ءِ پر او نوکاپ نا بابت اٹ حساس علاقہ غاتے ٹی بھلا بھلا مشینری تے سر کننگ نا پارت ہم کرینے۔ چیف سیکرٹری بلوچستان فضیل اصغر، سیکرٹری مواصلات، سیکریٹری آبپاشی، ڈی جی پی ڈی ایم اے، جنرل منیجر این ایچ اے، کیسکو او ایلو محکمہ غاتا کمامدار آک دیوان اٹ بشخ ہلکر وخت اس کہ مکران، نصیرآباد، سبی او ژوب ڈویژن نا کمشنرک بذریعہ وڈیو لنک دیوان اٹ بشخ ہلکر او تینا تینا ڈویژن اٹ پِر او نوکاپ آن ودی مروک آ حالیت، امدادوبحالی نا کاریمک او پین پر تا حالیت اٹ تیار کروک آ سٹریٹیجی آن معلومدار کرے، سیکرٹری ایریگیشن معلومدار کرے کہ حب ڈیم تون اوار صوبہ نا کل ڈیم تے ٹی دیر انا حالیت نا نگرانی ءِ کننگ انگ ءِ، حب ڈیم نا سپل وے ءِ پگہ ملنگک وخت اس کہ سبکزئی ڈیم نا سپل وے ءِ ملانُن او محکمہ ہر وڑ نا اڑ دڑی حالیت آتون مون تننگ کن تیار ءِ، سیکریٹری مواصلات معلومدار کرے کہ محکمہ نا ٹیمک زہمی آ سڑک آتا جوڑ کننگ و بحالی کن تعینات کننگانو او بھلا بھلا مشینری تے ہم سر کننگانے، ڈی جی پی ڈی ایم اے معلومدار کرینے کہ اونا ادارہ نا موسمی حالیت نا رداٹ ہر وڑ نا تیاری پورو ءِ، کل ڈویژنل کمشنرک او ڈپٹی کمشنر تتون رابطہ تخسا ہڑدے نا بنداو آ ڈیٹا ءِ دوئی کننگ انگ ءِ او بروک آ ارا دے اٹ ٹینٹ، ترپال او ایلو کمکی گڑاتے زہمی آ ضلع غاتے ٹی راہی کننگ ءِ بنا کننگک، جنرل منیجر این ایچ اے معلومدار کرے کہ ایم۔8 آ کندانی نا ہند آ زہمی شاہراہ ءِ ٹریفک کن بحال کننگانے، این ایچ اے نا ٹیمک زہمی شاہراہ تا جوڑ کننگ او مرمت او ٹریفک نا بحالی کن کاریم کننگ اٹی ءِ، کیسکو کمامدار آتا کنڈآن پہہ کرے کہ کیسکو نا 14ڈویژن تے ٹی ہائی الرٹ جاری کرسا محکمہ نا کارندہ غاتا چھٹی تے کینسل کننگانے او حالیت آک  تسلی بخش ءُ، وزیراعلیٰ او وخت آ پارت کرے کہ ایمرجنسی حالیت آتون مون تننگ کن کمشنر تے گرج انا رداٹ فنڈ جاری کننگے او کمشنر تے تینا ڈویژن نا ڈپٹی کمشنر تے فنڈ جاری کننگے۔

Get real time updates directly on you device, subscribe now.

Leave A Reply

Your email address will not be published.