جہانی برادری بھارت ءِ کشمیری تا برخلاف ڈوہ تیان بایدے تورے، پاکستان

0

Get real time updates directly on you device, subscribe now.

اسلام آباد (آن لائن) پاکستان جہانی برادری آن خواست کرینے کہ بھارت ءِ کشمیری تا برخلاف ڈوہ غاتیان توننگے۔ مقبوضہ کشمیر اٹ بھارتی فورس آتا بیدادیک برجا ءُ، غیرانسانی لاک ڈاؤن ءِ 388 دے مسنے۔ بھارتی کوزہ گیر فوج نا بیدادیک کشمیری تا جہد ءِ کم کننگ کپسہ، وخت اس کہ پاکستان کشمیری تا جہد ءِ آجوئی نا کوشست آتا مخ تفی ءِ برجا تخک۔ تدوک آدے ہفتہ وار میڈیا بریفنگ ترسا ترجمان دفتر خارجہ زاہد حفیظ پارے کہ مقبوضہ کشمیر اٹ  بھارتی فوج نا ظالمانہ کارروائی تے ٹی پین 4 کشمیری تے شہید کننگانے۔ نن بھارت آن خواست کینہ کہ کشمیر آن لاک ڈاوَن ءِ اینگ کے او مقبوضہ کشمیر نا سیاسی کماش آتے یلہ کے۔ پاکستان کشمیر نا ویل انا ایسری ءِ اقوام متحدہ قرارداد آتا رداٹ خواہک۔ پاکستان او چین کل ویل آتیا اسہ ایلو تون کمک کریر او وزیرخارجہ نا دورہ چین اٹ ارا کنڈی کمک نا کل پہلو تیا ہیت وگپ مس۔ او پارینے کہ اوغانستان اٹ امن و استحکام ڈیہہ انا شونہالی کن المی ءِ۔ تدوک آ دے تیٹی اوغان طالبان ڈل پاکستان نا دورہ ءِ کرے او ڈل ملا عبدالغنی برادر نا کماشی ٹی 25 اگست آ وزیر خارجہ تون اوڑدہی کریر۔ وزیرخارجہ شاہ محمود قریشی اوغان طالبان ڈل اتون جتا جتا ویل آتیا ہیت وگپ کرے۔

Get real time updates directly on you device, subscribe now.

Leave A Reply

Your email address will not be published.