صدر انٹرا الپارلیمانی یونین گیبریلا کیویس بیرن نا گوادر نا دورہ

0

Get real time updates directly on you device, subscribe now.

اسلام آباد(آن لائن) بین الپارلیمانی یونین نا صدر گیبریلا کیو یس بیرن گوادر نا دورہ ءِ کرینے وخت اس کہ اودے برجا انگا ڈٹ او شونداری کاریم تا بارواٹ تفصیل اٹ بریفنگ تس۔ وخت اس کہ گوادر نا تاریخی حیثیت نا بابت دستاویز ی فلم ءِ ہم نشان تننگا۔ تدوک آ دے گوادر اٹ روایتی چینی کسہ غاتا اردو مٹ و بدل مروک آ کتاب آتا بشخ و پانٹ نا دود اس اڈ تننگا، بین الپارلیمانی یونین نا صدر گیبریلا کیویس بیرن خصوصی مہمان نا وڑاٹ دود اٹ بشخ ہلک۔ دود آن تران کرسا سینیٹر کہدہ بابر پارینے کہ گوادر پورٹ ڈیہہ اکن اسہ گیم چینجر نا حیثیت تخک۔ پورٹ نا پورو وڑاٹ فعالی آن نہ بیرہ بلوچستان وخت اس کہ پاکستان نا زرگزرانی ہم جوان کسر آ گام گیج کیک۔ دود آن تران کرسا سینیٹر مرزا محمد آفریدی پارے  کہ چیئرمین سینیٹ محمد صادق سنجرانی نا جند انا کوشست آتیان دا دود انا اڈ تننگ گوادر شار اٹ ممکن مسنے۔ دود آن تران کرسا ڈائریکٹر پورٹ اتھارٹی گوادر ڈویلپمنٹ اتھارٹی تران کرسا پارے کہ گوادر ایلو دنیا کن اسہ گیٹ وے اسے نا حیثیت تخک۔ پورٹ فعال مننگ آن پد مچ آ دنیا نا سرمایہ کار آتے داڑے جوان وڑ اٹ جہانی آب انا انفراسٹرکچر، مستحکم انڈسٹریز او پر امن ءُ چاگڑد اس تننگک۔ دود انا گڈ سر اٹ سینیٹر کہدہ بابر، سینیٹر مرزا محمد آفریدی، ڈائریکٹر جنرل جی ڈی اے، جی پی اے بین الپارلیمانی یونین نا صدر ءِ یات گیری شیلڈ او ٹھیکی ہم تسر۔

Get real time updates directly on you device, subscribe now.

Leave A Reply

Your email address will not be published.