چین و پاکستان نا کنڈ آن ڈیجیٹل کوریڈور بنا کننگ آ امنا
نن پاکستان نا اسٹریٹجک انفراسٹرکچر، سائنس ٹیکنالوجی و پوسکن مونی بروک ٹیکنالوجی تیا چکار کرینن
Get real time updates directly on you device, subscribe now.
اسلام آباد : چین اٹ پاکستان نا سفیر معین الحق پارینے کہ نن چین پاکستان ڈیجیٹل کوریڈور بنا کننگ آ امنا کرینن‘ منہ سال اٹ آئی ٹی انڈسٹری ٹی اقتصادی آپریشن تیا بھاز چکار کننگانے‘ سی پیک بی آر آئی نا فلیگ شپ پروجیکٹ مننگ نا سوب آن پاکستان تون کمک کننگ اٹی ءِ‘ او پاکستان تون اقتصادی بدلی‘ انفراسٹرکچر، صنعت، خصوصی اقتصادی زون اٹ کمک کرینے‘ کل ءِ ہندا فریم ورک نا رد اٹ تیار کننگانے۔ نن پاکستان نا ے اسٹریٹجک انفراسٹرکچر، سائنس ٹیکنالوجی و پوسکن مون آبروک ٹیکنالوجی تیا پبی چکار کننگ اٹی ان‘ چائنا اکنامک نیٹ نا رد اٹ بیجنگ اٹ پاکستانی سفارتخانہ ٹی پاکستان اٹ اسہ قابل عمل ڈرون انڈسٹری نا جوڑ کننگ نا سرحال آ چین پاکستان ڈرون کانفرنس ا ڈتننگا۔ چین اٹ پاکستان نا سفیر معین الحق پارے کہ مخلوق نا زند ءِ آسان کننگ کن چندی صنعت آتے ٹی ان مینڈ ایریل وہیکل (UAVs) کاریم اٹ اتنگ انگ ءِ۔ ڈیزاسٹر مینجمنٹ، اسمارٹ سٹیز، پولیسنگ، وکشاری بشخ دا ٹیکنالوجی تے کاریم اٹ اتنگ اٹی ءِ‘ چائنا اکنامک نیٹ انا رد اٹ سفیر پارے کہ دا منہ سال اٹ آئی ٹی انڈسٹری ٹی اقتصادی آپریشن آ بھاززیات چکار کننگانے‘ چائنا پاکستان اکنامک کوریڈور، بی آر آئی نا فلیگ شپ پروجیکٹ مننگ ناسوب آن پاکستان تون کمک کننگ اٹی ءِ و او پاکستان نا اقتصادی بدلی‘ انفراسٹرکچر، صنعت، خصوصی اقتصادی زون اٹ کمک کرینے‘ دا کل ہندا فریم ورک انا رد اٹ تیار کننگانو‘ ننا مچ آچکار پاکستان نا اسٹریٹجک انفراسٹرکچر، سائنس ٹیکنالوجی و پوسکن آ ٹیکنالوجی تیاٹے‘ داسہ نن تون سی پیک نا رد اٹ آئی ٹی آ اسہ خصوصی ورکنگ گروپ اس ارے‘ چائنا اکنامک نیٹ انارد اٹ معین الحق مستی پارے کہ نن چین پاکستان ڈیجیٹل کوریڈور بنا کننگ آ امنا کرینن‘ داڑتون اوار نن قومی ڈرون پالیسی جوڑ کرین و پاکستان اٹ سول ڈرون ریگولیٹری اتھارٹی جوڑ کننگ آ ہم سجفنگ انگ ءِ۔ پاکستان اٹ نیشنل سینٹر فار روبوٹکس اینڈ آٹومیشن (NCRA) ڈرون تا بابت ایسر و ٹیکنالوجی ءِ شون تننگ نابابت کاریم کننگ اٹی ءِ‘ ہراٹی ڈرون لیبز نا اسہ سیریز اسے نا کمک اٹ کاریم کننگ انگ ءِ‘ ہراٹی یو اے وی آن کمک ہلوک لیب، سوارم انٹیلی جنس لیب، کشت وکشار نا حساب کتاب نا لیب و روبوٹ ڈیزائن و ڈویلپمنٹ لیب اوار ءُ۔
(آن لائن)