سری لنکا کولمبو ٹیسٹ ءِ با تس، پاکستان نا سیریز اٹ کلین سوئپ

پاکستان نا کنڈ آن ارٹمیکو اننگز اٹی نعمان علی 7 شکار کرے، 3 لنکن گوازی گر ءِ نسیم شاہ آؤٹ کرے

0

Get real time updates directly on you device, subscribe now.

کولمبو : پاکستان سری لنکا ءِ ارٹمیکو وگڈیکو ٹیسٹ اٹ اننگز و 222 رنز اٹ کٹسا اِرا ٹیسٹ میچ انا سریز اٹ کلین سوئپ کرے۔ ایلو کنڈآارٹمیکو اننگز اٹ پاکستانی بالر آک پورو وڑ اٹ لنکن ٹائیگر آتیا زور مسر و سری لنکا نا مچ آ ٹیم 188 رنز آ آؤٹ مس۔ پاکستان ناکنڈآن نعمان علی جوان کارکڑد نشان ترسا 7 گوازی گر ءِ آؤٹ کرے وخت اس کہ مسہ وکٹ نسیم شاہ نابشخ اٹ بسر۔ سری لنکا ناکنڈآن ارٹمیکو اننگز اٹ اینجلو میتھیوز 63 رنز جوڑ کرسا جوان کارکڑد نشاان تس وخت اس کہ کپتان ویموتھ کرونا رتنے 41 و نشان مدوشکا 33 رن انا اننگز گوازی کریر‘ ارٹمیکو ٹیسٹ انا چارمیکو دے آ قومی ٹیم 576 رنز آ اننگز ءِ ڈیکلیئر کریسس‘ سلمان علی آغا 132 وخت اس کہ محمد رضوان 50 رنز جوڑ کرسا ناٹ آؤٹ سلیسر‘ مسٹمیکو دے وکٹ کیپر بیٹر سرفراز احمد نا جاگہ غا محمد رضوان ءِ کنکشن کانود نارد اٹ فائنل الیون اٹ اوار کننگاسس‘ سری لنکا نا ٹیم تینا اولیکو اننگز اٹ 166 رنز جوڑ کرسا آؤٹ مسوسس۔ یات سلے کہ گال اٹ گوازی کروک اولیکو ٹیسٹ اٹ پاکستان سری لنکا ءِ 4 وکٹ اٹ کٹاسس۔

(مانیٹرنگ ڈیسک)

Get real time updates directly on you device, subscribe now.

Leave A Reply

Your email address will not be published.