پیپلز پارٹی پیٹرولیم نا نہاد آتیٹی تاریخ نا بھلا ودکی ءِ مسترد کرے
اسلام آباد (آن لائن) پاکستان پیپلز پارٹی پٹرولیم مصنوعات نا نہاد آتیٹی تاریخی ہوش ءِ پریفوک ودکی ءِ مسترد کرینے، چیئرمین بلاول بھٹو زرداری نا کنڈ آن ودکی نا ترندی اٹ مذمت ءِ کننگانے و پاننگانے کہ ہندن ءُُ وخت اسے ٹی ہراتم الس ءِ ریلیف نا گرج ئس، پٹرول ءِ کبین کرسا غریب دشمنی کننگا، پٹرولیم مصنوعات نا نہاد آتیٹی ہوش ءِ پریفوک ودکی نا ترندی اٹ مذمت ءِ کرسا دادے مسرت کینہ۔ بلاول بھٹو پارے کہ نہاد آتیٹی تاریخی ودکی کروک آک مستین چنکا ودکی تیا تنقید کریرہ۔ سلیکٹڈ وزیراعظم ءِ لس بندغ نا ہچ ءُُ چرت اس اف۔ بلاول بھٹو پارے کہ الس نا جیب آتیٹ دُو دننگ اٹ عمران خان ڈبینگوک آ زرگزران ءِ سیبو تننگ کپک،مہالو عمران خان پٹرول ءِ اڑزان کرسا کوڑی کرفے، ولدا اسہ وار آ کبین کرسا مافیا ءِ پبی کمک و فائدہ رسیفسا غریبی نا نسخل اٹ نسنگوک الس آ اسہ پین بمب اس بٹے۔ او پارے کہ ہراتم پٹرول ءِ اڑزان کرے تو کاختی ودی کننگا و کم نہاد نا بھرم ءِ الس اسکان سر کننگ نا کر تننگتو۔ ہراتم پٹرول اڑزان مس تو لس بندغ کن گرج انا گڑا تا نہاد آتیٹی ہچ ءُُ کمتی اس متو، داڑان چَپ نُت و بورہ تون اوار پٹرول ہم مارکیٹ آن گوہنگا۔ داسہ کہ پٹرول ءِ پین کبین کننگانے تو کبینی ہم امر کہ مرے پین ودک۔ گڑا دافتا پوسکن آ پاکستان ہندادے؟ ہرانا نیازی صاحب غریب الس ءِ تغ نشان ترسا ہناکہ۔ پاکستان پیپلز پارٹی دا وڑ انا فیصلہ غاتے ترندی اٹ مسترد کرسا خواست کیک کہ پٹرولیم مصنوعات نا نہاد آتیٹی ودکی ءِ پدی ہلسا الس ءِ ریلیف تننگے۔