حکومت صوبہ نا آرٹسٹ آتا لائخی تے مون آ اتنگ اٹ کڑد ادا کیک‘ جام کمال

0

Get real time updates directly on you device, subscribe now.

کوئٹہ (خ ن) وزیراعلیٰ بلوچستان جام کمال خان پارینے کہ بروک آ مالی سال اٹ ایلو بشخ آتا وڑ اٹ فن بشخ و صوبہ نا تاریخی آ ہند آتا شونداری نا ڈٹ آک ہم اوار ءُ۔ وخت اس کہ آرٹسٹ آتا فلاح و بہبود نا فنڈ ءِ ہم جتا کننگانے حکومت صوبہ نا فنکار آتا جوان اُست بڈی ءِ کرسا اوفتا لائخی تے مون آ اتنگ اٹ کڑد ادا کیک۔ دا خیال آتا درشانی ءِ او ورنا ہندی مصور آتا اسہ ڈل اسے تون ہیت وگپ کرسا کرے، ہرافک دیوار آتیا مصوری نا کمک اٹ اُلس اٹ کوروناوائرس نا رکھوک گام گیج آتے تالان کریر۔ وزیراعلیٰ مصور آتا راجی بشخ اٹ اوفتا خدمت آتا ستا ءِ کرسا پارے کہ ساڑی حالیت آتیٹی ہندن ءُ آب و بے مسخت انگا کاریم تیان راج آ خراب ءُُ اثر تمنگ اٹی ءِ۔ وزیراعلیٰ پارینے کہ بلوچستان مُتکن انگا تہذیب و دود و ربیدہ غاتا ڈیہہ اسے۔ مہر گڑھ آمبار انگا متکن آ سولائیزیشن بلوچستان اٹی ءِ۔ او پارینے کہ حکومت سیل و سوات ءِ مون آ اتنگ کن صوبہ نا 1500تاریخی ہند آتے بروک آ مالی سال اٹ روڈ نیٹ ورک تون گنڈنگ اٹی ءِ۔ او مصور آتیا زور شاغا کہ اوفک تینا فن ءِ کاریم اٹ اتسا مہر گڑھ و ایلو تاریخی ہند آتا اہمیت ءِ منی ایچرز نا کمک اٹ جہانی کہول آ مون آ اتیر۔ وزیراعلیٰ پارینے  کہ کوئٹہ و ایلو ضلع غاتیٹی آرٹ پارک آرٹ گیلری و فن اکیڈمی جوڑ کننگک او ورنا مصور تا نیام اٹ مقابلہ غاتا جوان ءُ گام اس تالان کننگک او اوفتا فن پارہ غاتا نمائشست کن دود اڈ تننگک۔

Get real time updates directly on you device, subscribe now.

Leave A Reply

Your email address will not be published.