پٹرول آن پد ایل پی جی نا ہم بمب اس بٹنگا، 5 روپئی کلو کبین

 اسلام آباد (آن لائن) کورونا دَین و کُبینی نا گواچی آ اُلس آ پٹرولیم ڈَٹ آتا بہا تیٹی ودکی آن پد ایل پی جی نا بمب اس بٹنگا، حکومت ایل پی جی نا بہا ءِ ہم 5 روپئی فی کلو ودکی کرے۔ اوکان پد اُرائی سیلنڈر آتا بہا تیٹی 50 روپئی وخت اس کہ کمرشل سلنڈر نا بہا ٹی 200 روپئی نا ودکی مسنے۔ چیئرمین ایل پی جی ڈسٹر ی بیوشن عرفان کھوکھر پارینے کہ جون 2020 کن اوگرا نا گچین آ 110 فی کلو گرام ایل پی جی نا بہا ٹی پین ودکی نا خلیس ارے۔ ہندن محسوس مریک کہ حکومت ءِ بدنام کننگ کن سرکاری مارکیٹنگ کمپنیک مون آ بسنو۔ حکومت آن خواست ءِ کہ او ایل پی جی نا بہا تیٹی ودکی نا زوت اس نوٹس ءِ الے وخت اس کہ ایلو حالیت آک پین خراب مریرہ۔ او گیس انا بشخ و پانٹ  کمپنی نا بورڈ ءِ تحلیل کننگ نا خواست کرسا پارینے پارینے کہ گیس سپلائی کمپنی نا کنڈآن جامشورو جوائنٹ وینچر جے جے وی ایل تون ایل پی جی گیس پروسینگ نا معاہدہ نا عدم تجدید قومی خزانے ءِ نہ بیرہ ہر سال کم از کم 14 ارب نا نسخان سگوئی تمک وخت اس کہ ایل پی جی نا رسد اٹ کمی آن مارکیٹنگ کمپنی تے ودکی نا وارخواہی رسینگک۔ انتئے کہ غریب آ اُلس اوفتے آن گیس ہلنگ آ مجبور مریک۔