مولانا ہدایت الرحمان بلوچ ءِ سٹی آ مقدمہ غاتیٹی تنک کننگ انگ ءِ‘مولانا عبدالکبیر شاکر

کوئٹہ : نائب امیر جماعت اسلامی بلوچستان مولاناعبدالکبیر شاکر پارینے کہ جماعت اسلامی مولانا ہدایت الرحمان بلوچ نا یلہ کرنگ کن ہر فورم آ جہد کننگ اٹی ءِ۔ مولانا ہدایت الرحمان بلوچ ءِ سٹی آ مقدمہ غاتیٹی اختہ کرسا اودے تنک کننگ انگ ءِ۔ مولاناہدایت الرحمان بلوچ نا یلہ کننگ، حق آتا دوئی کننگ، ظلم و بیدادی نا برخلاف سیاسی جمہوری دینی طاقت آتے اسہ پلیٹ فارم آ اتنگ تون اوار ہر وڑ نا برانز کینہ۔ حکمران، تینٹ جوڑ کروک آ تپہ غاتا بے حسی ولوٹ مار و غفلت نا سوب آن ویل آتیٹی بھاز ودکی مسنے۔ بلوچستان نا وسیلہ بلوچستان آ دیانت داری ٹی خرچ مریرہ تو حالیت آک سہی مریرہ۔ بلوچستان نا ویل آتا ایسری بیرہ دیانت دار منظم پارٹی جماعت اسلامی ءِ۔ مولانا ہدایت الرحمان بلوچ ءِ بند کرسا بلوچستان نا توار ءِ بند کروک آک بے سہب مریرہ۔

(آن لائن)