24 گھنٹہ ٹی کورونا نا 798 ناجوڑ آتا ٹیسٹ مثبت بس، 7 ناجوڑ کزیت کریر
Get real time updates directly on you device, subscribe now.
اسلام آباد (اے پی پی) نیشنل کمانڈ اینڈ آپریشن سینٹر (این سی او سی) کورونا دین انا بابت تازہ حساب وکتاب ءِ جاری کرینے۔ جمعہ نادے آ این سی او سی آن جاری کروک حساب وکتاب نارداٹ تدوک آ 24 گھنٹہ ٹی کورونا نا 798 ناجوڑ آتا ٹیسٹ مثبت بس و 7 ناجوڑ ہسپتال آتیٹی دا دین آن زوال مسر۔ تدوک آ 24 گھنٹہ ٹی کوویڈ۔ 19 نا 37 ہزار 504 ٹیسٹ کننگا ہرافتیان سندھ اٹی 16 ہزار 93، پنجاب اٹی 11 ہزار 67، خیبر پختونخوا ٹی 4 ہزار 202، اسلام آباد اٹی 3 ہزار 997، بلوچستان اٹی 906، گلگت بلتستان اٹی 224، آزاد کشمیر اٹی 1 ہزار 15 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 2 لکھ 94 ہزار 740 مسنے۔