وزیراعلیٰ بلوچستان تون صوبائی وزیر، و ایم پی اے تا اوڑدہی
Get real time updates directly on you device, subscribe now.
کوئٹہ(آن لائن) وزیراعلیٰ بلوچستان جام کمال خان تون صوبائی وزیرک، اسمبلی نا باسک آتا اوڑدہی نا دے تیٹی اہم انگا صوبائی ویل آک، کورونا وائرس نا حالیت، وزیراعلی نا راجی و زرگزرانی گام گیج و شونداری ڈٹ آتا پیشرفت آ ہیت وگپ کرے، صوبائی وزیر و اسمبلی نا باسک آک وزیراعلی ءِ تینا تینا ضلع غاتیٹی برجا انگا شونداری ڈٹ آتا پیشرفت آن ہم معلومدار کرے، او وخت آ کراچی، کوئٹہ، چمن شاہراہ و ایم۔8 انا ہوشاب، آوارن، خضدار سیکشن نا ڈٹ آتیا مروک آ پیشرفت آ اُست خواہی نا درشانی ءِ کننگا، صوبائی وزیرک و اسمبلی نا باسک آک صوبائی حکومت و بنجا نا نیام اٹ ورکنگ ریلیشن شپ نا جوانی و دا بابت اٹ وزیراعلی بلوچستان نا وژن و کوشست آتا ستا ءِ کرے، اونا پاننگ ئس کہ وزیراعلی صوبہ نا راجی و زرگزرانی شونداری کن اسہ ہند اس گچین کننگانے و زوت اس صوبائی حکومت نا شونداری و پالیسی ساز گام گیج آتا گچین آ نتیجہ غاک مون آ بریرہ۔