خارجہ پالیسی نا بنداوی پنجر ءِ بدل کننگ نا گرج ءِ، شیریں مزاری

اسلام آ باد(آن لائن) سینیٹ نا قائمہ کمیٹی برائے خارجہ امور ءِ وزیر برائے انسانی حق آک  ڈاکٹر شیریں مزاری معلومدار کرینے کہ بھارت مخالف بیانیہ ءِ سوگو کننگ کن روایتی سفارتکاری بس اف، بھارت ءِ جہانی کہول آ ورندی کن انسانی حق آک ڈپلومیسی المی ءِ، کشمیر اٹ دارو و کُن خور سر کننگ نا بابت اٹ انسانی حق آک کمیشن ءِ چٹھی نوشتہ کریٹ، بھارت نا آبادی نا کچ اٹ بدلی نا کوشست آتیا جہانی برادری ءِ چٹھی نوشتہ کننگا، کشمیر اٹ نیاڑی چُناتتون زیادتی نا ویل ءِ اقوام متحدہ ٹی جوان وڑاٹ ہرفنگا، وزارت خارجہ انسانی حق آتا پامالی ءِ جوان وڑاٹ ہرفنگے، خارجہ پالیسی نا اسٹریکچر ءِ بدل کننگ نا گرج ءِ، انڈیسٹریل سیکٹر اٹ انسانی حق آتیا عملدر آمد کن جامع ءُ ایکشن پلان اس جوڑ کننگ اٹی اُن، توہین رسالت نا کانود نا رد کاریم اٹ اتنگ نیاڑی تا بریبری انصاف تننگ آجوئی ٹی تینا خیال آتا درشانی نا بابتاٹ کاریم کننگ اٹی ءِ، اسلامو فوبیا آ جوان توار چِست کننگ نا گرج ءِ، یورپ پاہک ماسک بینبو ولے نقاب کروئی اف، کشمیر نا ویل آ سال اٹ اسہ تران اس بس اف، ننے دفاعی آن پیش تمسا جارحانہ خارجہ پالیسی آ ہنوئی مریک وخت اس کہ چیئرمین کمیٹی سینیٹر مشاہد حسین سید پارینے کہ بھارت ڈیہہ اٹ تنیا مسنے، بھارت نا کل ہمسایہ غاتون جھیڑہ ءِ، چابہار اٹ ایران بھارت ءِ کشا، سی پیک بھاز ترندی ٹی چلینگ انگ ءِ، مقبو ضہ کشمیر اٹ ایڈووکیٹ بابرقادری ءِ درو شہید کننگا ہرانا مذمت ءِ کینہ۔ کشمیر نا ویل آ بھارت فریشان ءِ۔