نواز شریف حکومت و فوج انا ہم گرنچی ءِ پرغنگ خواہک، وزیراعظم

اسلام آباد (مانیٹرنگ ڈیسک) وزیراعظم عمران خان پارینے کہ اودے اپوزیشن آن ہچ ءُ خلیس اس اف، اپوزیشن نا ایجنڈا ءِ کہ حکومت و فوج ءِ اسہ ایلو تون جنگ ترفن، حکومت و فوج نا نیام اٹ ساڑی ہم آہنگی تاریخ اٹ اولیکو وار ءِ۔ جتا جتا ٹی وی چینل آتا ڈائریکٹر نیوز آتون اوڑدہی ٹی ہیت وگپ کرسا عمران خان پارینے کہ  نواز شریف نا اُست ہسون مسنے، نواز شریف نا پالیسی ءِ نہ گوازی کینہ و کس ءِ گوازی کننگ کن ہلنہ۔ نواز شریف نا فوج نا برخلاف تران نا خوشی تے  بھارت اٹ اڈ تننگا۔ وزیراعظم پارینے کہ دا مولانا فضل الرحمان ءِ ہندا سوب آن اوار تولفرہ انتئے کہ اوفتے تتون اتنگ کن بندغ اف، اپوزیشن ءِ خلیس ءِ کہ فوج بیرہ اونا پالیسی آ چلینگک، ہراتم ہم ویل اس بریک فوج حکومت نا پد آن سلوک مریک، نواز شریف حکومت و فوج نا نیام اٹ دا تاریخی ہم آہنگی ءِ پرغنگ خوانہ۔