چین پدریسہ چندی ملک آتا زرکارآتا اولیتی ہند ءِ، ترجمان چینی وزارت خارجہ
Get real time updates directly on you device, subscribe now.
بیجنگ (اے پی پی) چینی وزارت واپار نا ترجمان گاؤ فینگ پارینے کہ چین پدریسہ امریکہ تون اوار چندی ملک آتا زرکارآتیکن زرکاری نا اسہ بے مٹ و اولیتی ہند اسے۔ اواسہ پریس کانفرنس اسے ٹی پارے کہ ساڑی جہانی زرگزران تنزلی نا گواچی ءِ و جہانی کہول آ سیم آن ایپار زرکاری ہم بھاز زہمی مسنے، داکان پد ہم چین اٹ درملکی زرانا بننگ و درملکی زرکاری نا کاریم اٹ اتنگ نا رجحان جم وڑاٹ سوگو مسنے۔ یو ایس چائنہ بزنس کونسل نا اسہ ساڑی ءُ جاچ اسے نا حوالہ ءِ ترسا اوپارے کہ سروے ٹی شریک 83 درسد کمپنی پدریسہ چین ءِ دنیا ٹی غٹ آن اہم منڈی ٹی شمار کیرہ، ہرا چینی مارکیٹ آ درملکی زرکار آتا پت انا پبی درشانی ءِ۔ اومستی پارے کہ چین واپاری ماحول ءِ گچین کیک و چندی ملک آتا زرکار آتون چین نا شونداری وارخواہی شیئر کیک۔