چمن، پاک اوغان سیم آ جہانی شاہراہ ءِ برانز کروک آک بند کریر

چمن(آن لائن)چمن پاک اوغان سیم جہانی شاہراہ ءِ بھلو مچی اس برانزی وڑاٹ بند کریر، برانز نا سوب  پاک اوغان واپاری سرگرمیک پورو وڑاٹ معطل، سیم آ ننا روزگار ءِ بحال کننگے حوال نا رداٹ چمن پاک اوغان سیم جہانی شاہراہ ءِ بھلو مچ اس برانزی وڑاٹ بند کریر پاک اوغان شاہراہ غا برانز نا سوب آن اوغان واپاری سرگرمیک پورو وڑاٹ معطل مسر، برانز نا سوب آن اوغان واپاری کاریمک پورو وڑاٹ معطل مسر، برانزی روزگار بحالی کمیٹی و معذور تا کنڈآن کروک آ برانزی تا پاننگ ئس کہ پاک اوغان سیم ءِ کورونا وائرس نا سوب آن بند کننگاسُس و ننا روزگار ہراکہ اسہ پیکج اسے نا پن آ برجا ئس داسکان کن بندی نا گواچی ءِ۔ وخت اس کہ ننا پیکج اٹ ہزار آ بندغ آتا ہندا اسٹ انگا کٹنگ نا ذریعہ ئس و داٹی ہزار آ معذور تتون اوار لغڑیک ہم اوار ئسر وخت اس کہ سیم ءِ ملوک کیہی ہفتہ غاک گدرینگار و داسکان پاک اوغان سیم آ ننا روزگارپیکج یعنی چانس ءِ داسکان بحال کننگتنے ہرانا سوب آن بے روزگاری نا سوب آن ننا گزران بھاز سختی ٹی مننگ اٹی ءِ، او پارینے کہ نن بڑزکو کمامدارآتیان پاک اوغان سیم آ روزگار نا بحالی کن چانس پیکج ولدا تننگ نا جوان خواست کینہ۔