پاکستان زمبابوے سیریز اسہ وینیو اسے آ کرفنگ نا فیصلہ

لاہور (مانیٹرنگ ڈیسک) پاکستان او زمبابوے کرکٹ ٹیم تا نیام اٹ سیریز میچ آک بائیو سیکیور چاگڑد نا سوب آن اسہ وینیو اسے آ کرفنگ نا فیصلہ کننگانے۔ حوال نا رداٹ کہ زمبابوے کرکٹ ٹیم نا دورہ پاکستان کن لاہور او راولپنڈی نا وینیوز آتیا سجفنگ انگ ءِ۔ بائیو سیکور چاگرڈ نا سوب آن اسہ وینیو آ میچ گوازی کیک، گونڈ انگا کرکٹ نا سیریز لاہور اٹ مننگ نا گمانک زیات ءُ۔ پاکستان سُپر لیگ (پی ایس ایل) نا ایلو میچ آتے ہم لاہور اٹ کرفنگ نا ڈٹ بندی کننگ انگ ءِ، پی ایس ایل نا میچ آک لاہور اٹ مننگ نا سوب آن سیریز ہم لاہور اٹ مننگ نا گمانک اریر۔ زمبابوے کرکٹ ٹیم گونڈ ءُ سیریز اسے کن اکتوبر نا مسٹمیکو ہفتہ ٹی پاکستان آ بروئی ءِ۔ ہڑتوم آ ٹیم تا نیام اٹ مسہ ون ڈے او مسہ ٹی 20 میچ آتا سیریز شیدول ءُ، پاکستان او زمبابوے نا بورڈ آک سیریز نا شیڈول ءِ پک کننگ اٹ اختہ ءُ۔