پاکستان ءِ نومبر اٹ جہانی اسکواش چمپئن شپ کرفنگ نا موکل رسینگا
Get real time updates directly on you device, subscribe now.
اسلام آباد (مانیٹرنگ ڈیسک) پروفیشنل سکواش ایسوسی ایشن پاکستان ءِ نومبر اٹ جہانی چمپئن شپ کرفنگ نا موکل تس۔ گوازی تا دنیا آن پاکستان کن جوان ءُ خبر اس، پاکستان اسکواش فیڈریشن جہانی مقابلہ غاتا مہمانداری ءِ رسینگ انگ ءِ پک کرے۔ چیف آف ایئر اسٹاف انٹرنیشل اسکواش چمپئن شپ نا اڈ تننگ نومبر نا اولیکو ہفتہ ٹی مریک، ہفت آن یانزدہ نومبر اسکان برجا سلوک آ ایونٹ اٹ کیہی وار انٹرنیشل اسٹارک بشخ ہلیرہ۔ مردانہ ایونٹ نا انعامی رقم 30 ہزار امریکی ڈالر مریک وخت اس کہ نیاڑی ایونٹ نا انعامی رقم 10 ہزار امریکی ڈالر مریک، سیکرٹری پاکستان سکواش فیڈریشن گروپ کیپٹن طاہر سلطان کورونا آن زو اس پد جہانی ایونٹ نا مہمانداری ملنگ ءِ جوان گوندسا پارینے کہ ایونٹ اٹ دنیا نا جوان انگا گوازی گرک بشخ ہلیرہ ہراڑان ورنا غا پاکستانی گوازی گر تے بھاز آزموندہ رسینگک، دا ایونٹ دا لحاظ اٹ ہم بھاز اہم ءِ کہ پاکستان نا مسکوہی نمبرون گوازی گر ناصر اقبال ہم دا ایونٹ ٹی چار سال نا پابندی آن پد بشخ ہلنگ اٹی ءِ، ناصر اقبال آ ڈوپنگ کانود آتا خلاف ورزی آ چار سال آن پابندی خلنگاسُس۔